Áhöfnin á Múlaberginu ásamt mökum komu saman í Bláa húsinu á Rauðkutorgi laugardagskvöldið 2. júní til að gera sér glaðan dag. Tilefnið var að halda upp á sjómannadaginn eins og hefð er fyrir. Áhöfnin tók sig saman í gleðskapnum og heiðraði fjóra fyrr- og núverandi skipverja sem eru komnir á „aldur“ eins og það er kallað í daglegu tali. Fengu þeir viðurkenningaskjöld þar sem útgerð og áhöfn þakkar þeim farsælt samstarf.

Áhöfnin á Múlaberginu ásamt mökum

Þeir sem heiðraðir voru eru:

Gísli Jónsson fæddur árið 1948, byrjaði hann sinn sjómannsferil á Hafliða SI 2 árið 1965 og var til sjós fram til 2017. Var hann alls 40 ár hjá Rammanum og þar af 18 ár á Múlaberginu. Sjómannsferill Gísla stóð yfir í 52 ár.

Júlíus Árnason, fæddur árið 1948, byrjaði hann sinn sjómannsferil á Hafliða SI 2 árið 1964 og var til sjós fram til 2017. Starfaði hann á Múlaberginu í 14 ár. Sjómannsferill Júlla stóð yfir í 53 ár.

Kristján Bjarnason, fæddur árið 1953, byrjaði hann sinn sjómannsferil á Hafliða SI 2 árið 1967 og var til sjós fram til 2017. Hafði hann starfað sem skipstjóri hjá Rammanum í 39 ár, þar af 19 ár á Múlaberginu. Sjómannsferill Stjána stóð yfir í 50 ár.

Sigurður Örn Baldvinsson, fæddur 1948, byrjaði hann sinn sjómannsferil á Sigurði SI árið 1965. Sigurður hefur starfað sem kokkur á Múlaberginu undanfarin 19 ár og er enn að. Sjómannsferill Sigga hefur staðið yfir í 53 ár.

Samanlagt hafa þessir fjórir heiðursmenn starfað til sjós í 208 ár.

Þeir vildu þó allir meina að þeir hefðu byrjað fyrr á sjó þó það hafi ekki ratað í sjóferðabækur, allt niður í 10 ára.

Hér er Júlíus Árnason að þakka fyrir sig

 

Friðrik Jónsson hélt þessa glimrandi ræðu

 

Ragnar Aðalsteinsson færði þeim Árna og Gísla þakklætisvott frá Rammanum

 

Fallegur skjöldur

 

Kátt á hjalla

 

Bæjarlistamaður Siglufjarðar, Sturlaugur Kristjánsson spilaði við góðar undirtektir

 

Hér má sjá í sjóferðabók Kristjáns Bjarnasonar þar sem Sigurjón Jóhannsson skipstjóri lögskráði hann á Hafliða SI 2 þann 7. júní 1967

 

Kristján Bjarnason hefur varðveitt allar sínar sjóferðabækur frá fyrstu tíð

 

Það er margs að minnast

Texti og myndir: Kristín Sigurjónsdóttir

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.