Gilfélagið auglýsir eftir umsóknum til dvalar í gestavinnustofu Gilfélagsins. Um er að ræða mánaðardvöl á tímabilinu janúar til desember 2019. Hvert tímabil hefst fyrsta hvers mánaðar.

Gestavinnustofan er fullbúin íbúð með vinnustofu sem hentar einum listamanni eða pari. Innangengt er í viðburðarrýmið Deigluna þar sem er í boði að halda sýningu eða annars konar viðburð í lok dvalar eða eftir samkomulagi.

Íbúðin er í Kaupvangsstræti, eða Listagilinu í miðbæ Akureyrar þar sem er stutt að sækja alla helstu þjónustu svo ekki sé minnst á fjölbreytt menningarlíf. Umsóknarfrestur er til og með 1. ágúst.

Nánari upplýsingar um vinnustofuna og umsóknarferlið.

 

Af akureyri.is

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.