Skíðasvæðið í Skarðsdal á Siglufirði opnar í dag og eru opnunartímar yfir páskahátíðina þegar ákveðnir. Samkvæmt tilkynningu frá skíðasvæðinu verður opið alla helgina, frá skírdag til annars í páskum, á milli klukkan 10 og 16.
Í tilkynningunni kemur fram að þó að opnun standi til, séu veðurhorfur ekki með besta móti. Sérstaklega er bent á að suðvestanátt geti haft áhrif á aðstæður í Skarðsdalnum, enda sé sú vindátt óhagstæð fyrir svæðið.
Birgir Egilsson, forstöðumaður svæðisins, horfir bjartsýnn fram á páskana og stefnir á opnun alla hátíðina.
„Það er aðeins byrjað að blása hér í Skarðsdalnum, líkt og við óttuðumst. Við höldum þó áfram að þráast við og stefnum á opnun líkt og auglýst var, frá klukkan 10 til 16,“
segir í tilkynningu frá Skíðasvæðinu í Skarðsdal.
Opnunartímar yfir páskana eru því sem hér segir. Opið verður á skírdag, föstudaginn langa, laugardag, páskadag og annan í páskum frá klukkan 10 til 16 alla dagana.
Þrátt fyrir áskoranir vegna veðurs virðist stefnt að því að halda starfseminni gangandi og bjóða gestum upp á páskastemningu í fjallinu, svo fremi sem aðstæður leyfa.
Myndir: Facebook / Skíðasvæðið í Skarðsdal á Siglufirði
