Fjallabyggð óskar eftir tilboðum í skóla- og frístundaakstur í Fjallabyggð samkvæmt útboðslýsingu.

Skóla- og frístundaakstur felst í reglulegum ferðum milli Siglufjarðar og Ólafsfjarðar með börn og unglinga vegna skóla- og frístundastarfs.

Reiknað er með 2.900 ferðum a.m.t. á ári sem gera um 49.300 km.

Á starfstíma grunnskólans þarf sætaframboð að vera 66 sæti en í sumarakstri 30 sæti.

Gerð er krafa um að öll sæti skólabifreiðar séu með þriggjafestu mjaðmar- og axlarbelti.

Reiknað er með að akstur á grundvelli útboðsins hefjist þann 20. ágúst 2019 og að gerður verði verksamningur um verkið til þriggja ára, til 19. ágúst 2022, með möguleika á framlengingu í eitt ár tvisvar sinnum.

Tilboðum skal skila á bæjarskrifstofur Fjallabyggðar, Gránugötu 24, 580 Siglufirði fyrir kl. 11:00 þriðjudaginn 18. júní 2019 og verða þau þá opnuð í viðurvist þeirra bjóðenda sem þess óska.

Skila má tilboðum rafrænt á netfangið fjallabyggd@fjallabyggd.is

Opnunarstaður tilboða: Ráðhús Fjallabyggðar, Gránugötu 24, 580 Siglufjörður.

Hægt er að nálgast útboðsgögn á bæjarskrifstofu Fjallabyggðar að Gránugötu 24 á Siglufirði frá og með 3. júní 2019 gegn gjaldi kr. 2.000,-. Hægt er að fá gögn send rafrænt sé þess óskað.

Allar nánari upplýsingar veitir Guðrún Sif Guðbrandsdóttir

Netfang: gudrun@fjallabyggd.is

Sími: 464 9100

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.