-
- Snjóflóðið sem féll um síðustu helgi á svokallaðri Strönd norðan við Siglufjarðarbæ.
Myndir teknar „milli lægða“ hafa vakið athygli, enda fangar Halldór Gunnar Hálfdansson á einstakan hátt kyrrðina sem myndast milli veðrakerfa. Í færslu sinni á Facebook lýsir hann óvenjulegri veðurviku þar sem færi til myndatöku voru af skornum skammti.
Mögulega hákarlahjallur fyrir neðan Máná.
Halldór segir að síðasta vika hafi ekki boðið upp á mörg tækifæri til að festa augnablik á filmu. Þó hafi rofað til einn dag, í gær miðvikudag, eftir að svokölluð frostrigning hafði gert vart við sig kvöldið áður. Sú úrkoma myndaði klakabrynju á mannvirkjum og náttúru, sem sjá má glöggt á myndum hans, meðal annars af veðurathugunarbúnaði á Þúfnavöllum á Almenningum.
Að hans sögn stóð þessi kyrrláti kafli þó stutt yfir, því fljótlega skall næsta lægð á með tilheyrandi gráma og veðurþunga. Myndirnar bera þess merki að veðrabrigðin á Tröllaskaga geta verið snögg og áhrifamikil, þar sem kyrrð og fegurð víkja á svipstundu fyrir hráslagalegri ásýnd.
Halldór hefur um árabil deilt myndum úr sínu nærumhverfi og gefið innsýn í náttúrufar og veðurfar svæðisins. Færslan „Milli lægða“ er enn eitt dæmið um hvernig hversdagsleg augnablik í íslenskri náttúru geta orðið að eftirminnilegum sjónrænum frásögnum.
-
- Úrkomumælir á Þúfnavöllum á Almenningum.
-
- Vindrafstöð á Þúfnavöllum, Almenningum.
-
- Gamla brúin á Siglufjarðarvegi fyrir ofan Lambanes í Fljótum.
-
- Vindhraðamælir á Þúfnavöllum á Almenningum.
-
- Fyrir ofan Herkonugil á leiðinni til Siglufjarðar.
-
- Það er ekki mikið um bergganga hér á utanverðum Tröllaskaga en þessi hefur falið sig sjónum mínum fyrir ofan Herkonugil.
-
- Mögulega hákarlahjallur fyrir neðan Máná.
Myndir eru eftir Halldór Gunnar Hálfdansson og birtar með góðfúslegu leyfi hans.
