Aðventustemningin var í fyrirrúmi í Ólafsfjarðarkirkju í gær þegar nýi sameinaði kór Siglufjarðarkirkju og Ólafsfjarðarkirkju undir stjórn Ave Kara Sillaots flutti sinn fyrsta aðventutónleika, að því er fram kemur í tilkynningu Ólafsfjarðarkirkju.
Um 200 gestir fylltu kirkjuna og nutu fjölbreyttrar dagskrár þar sem saman fóru hlýlegur og ljúfur hljómur og góð samvera.
Kórinn, sem hefur fengið mikið lof fyrir metnað og fagmennsku, naut með sér hæfileikaríks hóps söngvara og tónlistarfólks.
Á efnisskránni voru jólalög og Alda Máney Björgvinsdóttir, Jenny Hjaltadóttir, Margrét Ólöf Birkisdóttir, Sunna Eir Haraldsdóttir og Þorsteinn Bjarnason fluttu einsöng.
Þá tóku verðandi fermingarungmenni þátt í aðventunni sem færðu dagskránni léttleika og kraft sem blandaðist vel við hátíðlegu tónana sem einkenndu kvöldið.
Hugleiðinguna leiddi Júlía Birna Birgisdóttir og sóknarnefnd kirkjunnar lagði sitt af mörkum líkt og svo oft áður, annaðist undirbúning, umgjörð og þau fjölmörgu verkefni sem halda þarf utan um til að skapa hlýlegt og hátíðlegt umhverfi sem hæfir slíkum viðburðum.
Tónleikarnir hlutu afar góðar undirtektir og sýndu enn á ný hve rík tónlistarhefðin er í Fjallabyggð. Markar kvöldið jafnframt ánægjulegt skref í starfi sameinaðs kórs, sem lofar góðu fyrir komandi verkefni á nýju ári.
Myndir: facebook / Ólafsfjarðarkirkja
