Um nokkurt skeið hefur verið boðið upp á þann valkost á heimasíðu Húnaþings vestra að bóka samtal við starfsmenn Ráðhússins.
Gefst fólki kostur á að velja starfsmann og bóka símtal á ákveðnum tíma. Viðkomandi starfsmaður hefur þá samband á tilgreindum tíma. Hefur þessi kostur mælst vel fyrir enda eykur hann skilvirkni og minnkar bið.
Smellt er á hnappinn Bóka samtal í valstiku ofarlega á forsíðu sem leiðir fólk inn á bókunarsíðuna. Þar er sá starfsmaður sem við á valinn og tími bókaður. Mikilvægt er að tilgreina erindi svo starfsmaðurinn geti undirbúið samtalið.
Þau sem þurfa að hafa samband við starfsmenn Ráðhússins eru hvattir til að nýta þennan valmöguleika.
