Ekki skemma fríið með gleymsku!
Er vegabréfið ekki örugglega enn í gildi?
- Útrunnið vegabréf er alltaf ógilt vegabréf !
- Það er EKKI hægt að framlengja útrunnið vegabréf – þú verður að fá nýtt.
- Það er EKKI hægt að „redda“ neinu þegar komið er upp á flugvöll.
- Sótt er um vegabréf hjá Sýslumönnum
- Þú forskráir umsókn og greiðir fyrir hjá ísland.is.
- Þú mætir síðan í myndatöku hjá sýslumönnum.
- Þú færð ókeypis hæðarmælingu og sýnir okkur hvað þú ert með fallega undirskrift.
- Listi yfir umsóknarstaði innanlands má finna hér
- Listi yfir umsóknarstaði erlendis má finna hér
- Ef þú ert að fara út fyrir EES þarf vegabréfið að gilda í a.m.k. 6 mánuði fram yfir áætlaða heimkomu.
Ertu að sækja um fyrir barn?
- Forsjáraðili fyllir út umsókn og greiðir fyrir hjá ísland.is.
- Ef forsjáraðilar eru tveir þarf hinn aðilinn að staðfesta umsókn.
- Forsjáraðili mætir með barn í myndatöku hjá sýslumönnum.
- Ef umsókn hefur verið forskráð og samþykkt af báðum forsjáraðilum er nóg að annar forsjáraðilinn mæti með barnið.
- Barnið VERÐUR að vera með þar sem tekin er mynd af því.
Það tekur ekki nema um 6 daga að framleiða vegabréfið
- Hægt er að sækja um hraðafgreiðslu en greiða þarf aukalega fyrir það.
- Hægt er að sækja tilbúin vegabréf hjá sýslumönnum eða Þjóðskrá í Reykjavík
- Það er EKKI hægt að sækja tilbúin vegabréf utan afgreiðslutíma – það er engin bakvakt.
- Ef ÞÚ getur ekki sótt vegabréfið þitt á afhendingarstað getur þú veitt öðrum umboð til þess fyrir þig.
