Þessa vikuna er verið að fjarlægja raflínumöstur Laxárlínu í Kjarnaskógi enda búið að leggja allar raflínur í jörð en vegna þessa má búast við umferð vinnutækja á göngu- og skíðabrautum.
Framkvæmdum við möstrin sunnan tjaldsvæðis á Hömrum lýkur væntanlega í kvöld og þegar líður á vikuna má búast við umferð vinnuvéla í kringum Naustaflóann í Naustaborgum.
Sýnum aðgát og tillitssemi. Starfsfólk Skógræktarfélags Eyfirðinga mun nota snjótroðarann góða, sem Kjarnasamfélagið allt safnaði svo eftirminnilega fyrir, til að lágmarka áhrif framkvæmdanna á notkun skíða- og göngubrauta.
Flestar leiðir um útivistarparadísina eru nú í góðu standi, snjórinn sindrar á trjánum og um að gera að skella sér í skóginn.
Byggt á frétt á Facebook-síðu Skógræktarfélags Eyfirðinga.
Mynd/Kjarnaskógur
