Vínarbrauð með sultu og glassúr 

  • 125 g smjör við stofuhita
  • ¾ dl. sykur
  • 1 egg
  • 3 ½ dl. hveiti
  • ½ tsk. lyftiduft
  • um ¾ dl. hindberjasulta frá St. Dalfour

Glassúr

  • 1 dl. flórsykur
  • ¾ msk. vatn

Hitið ofninn í 175°. Hrærið saman smjör og sykur. Bætið eggi og lyftidufti saman við og hrærið saman í slétt deig. Bætið að lokum hveiti saman við og hrærið þar til deigið er orðið slétt. Skiptið deiginu í þrjá hluta og rúllið hverjum hluta út í lengju.

Mótið holu eftir miðri lengjunni og setjið sultuna þar í. Bakið í miðjum ofni í um 15 mínútur.

Látið lengjurnar kólna í nokkrar mínútur áður en glassúrinn er settur á. Hrærið saman flórsykri og vatni og setjið yfir lengjurnar. Skáskerið lengjurnar í bita áður en þær kólna alveg.

 

.

 

.

 

.

 

.

 

Uppskrift: Ljúfmeti og lekkerheit

355 Shares