Baggalútur kynnir með kökk í hálsi, flunkunýtt, tregablandið einsöngslag; Grenjað á gresjunni.
Grátbólgið dægurlag uppfullt af bjartsýnni eftirsjá og ekkasjúgandi framtíðarþrá, sem FM Trölli hefur sett í spillun.
Sérstakir gestir eru sænski ofurtrymbillinn Nisse Törnqvist og norður karólínski undrafetilgítaristinn Ryan Stigmon.
Takið fram vasaklútana, þessar kjúkur kreista sig ekki sjálfar!
Lag og texti: Bragi Valdimar Skúlason
Upptökustjórn: Guðm. Kristinn Jónsson
Trommur: Nils Törnqvist
Fetilgítar: Ryan Stigmon
Gítar: Guðmundur Pétursson
Gítar: Þorsteinn Einarsson
Bassi: Sigurður Guðmundsson
Slagverk: Helgi Svavar Helgason
Söngur og væl: Guðmundur Pálsson
Raddir og snökt: Karl Sigurðsson
Tekið upp í Hljóðrita í Hafnarfirði 2024
Grenjað á gresjunni
Síðan þú fórst hef ég grátið útí Gróttu.
Gengið með kökk í hálsinum á Esjunni.
Snökt í koddann á hverri nóttu.
Guð hvað ég hef grenjað.
Söknuðinn ber ég í söltum krúsum.
Sorgardöggin hverfur í kesjunni.
Veturlangt hef ég vatnað músum.
Guð hvað ég hef grenjað.
Guð hvað ég hef grenjað á gresjunni.
Gráti nær hef ég oftar en ekki
í örvinglan snýtt mér á mosaflesjunni.
Ég er bundinn í ekkahlekki
Ó hvað ég hef grenjað.
Ef þú vissir hvað ég hef grenjað á gresjunni.
Fjörðurinn flóir í tárum.
Fyllir heilt saknaðarhaf.
Tunglið tregafyllt,
telur sér málið skylt.
Bugast og beygir svo af.
Í harmslegnu rökkrinu kreisti ég kjúkur.
Kjökrandi þerra ég tárin á hesjunni.
Af ekkasogunum orðinn sjúkur.
Guð hvað ég hef grenjað.
Síðan þú fórst hef ég grátið útí Gróttu.
Gengið með kökk í hálsinum á Esjunni.
Snökt í koddann á hverri nóttu.
Guð hvað ég hef grenjað.
Guð hvað ég hef grenjað á gresjunni.
