Göfug táknmynd norrænnar arfleifðar
Miðgarðsormurinn Jörmungandr úr norrænnu goðafræðinni, prýðir nú vegg sundhallarinnar á Siglufirði. Veggmyndin er af hinum stórbrotna ormi sem umlykur heiminn og táknar styrk, þrautseigju og órjúfanleg tengsl milli mannkyns og náttúru. Þemað endurspeglar, að mati listamannsins, einstaka tengingu við Siglufjörð sem
hvílir umlukinn háum fjöllum og hafi.
Miðgarðsormurinn gegnir lykilhlutverki í jafnvægi heimsins, sem í veggmyndinni táknar víðáttu hafsins, hringrás lífsins og tengslin milli allra lífvera. „Með því að nota goðsagnir á staðbundinn hátt í opinberri list,“ segir Emma Sanderson, listamaðurinn á bakvið verkið, „gefum við samfélaginu sameiginlega sögu til að vera stolt af, auk þess
að skapa forvitni og umræðu meðal gesta.” Emma vonast til að veggmyndin verði til að tengja kynslóðir, þar sem foreldrar, aðstandendur, afar og ömmur fái tækifæri til að miðla sögunum áfram til barna og ungmenna í samfélaginu.
Verkefnið hlaut menningarstyrk frá Fjallabyggð á árinu.
Formleg opnun og kynning verður á veggmyndinni laugardaginn 9. Nóvember milli kl. 15:00-16:00 í sundhöllinni. Gestir fá tækifæri til að skoða veggmyndina, fara í sund og hlusta á stutta barnasögu um Jörmungandr, Miðgarðsorminn, flutta af sögumanninum Óðni Löve. Aðgangur er ókeypis á meðan kynningunni stendur.
Emma Sanderson er grafískur hönnuður og teiknari, búsett á Siglufirði, með yfir 20 ára reynslu. Ferill hennar spannar margvísleg svið, allt frá auglýsingum til samfélagsvinnu og frumbyggjalistar. Emma útskrifaðist með Bakkalár í sjónlistum frá Háskólanum í Sydney og hefur unnið að ýmsum list- og samfélagsverkefnum. Hún
nýtir nú hæfileika sína til að byggja upp sterk samfélög með list sinni.
Árið 2011 útskrifaðist Emma með Bakkalár í sjónlistum frá Háskólanum í Sydney (Sydney College of the Arts) og árið 2002 lauk hún Diplómu í grafískri hönnun. https://emma-sanderson.com
Myndir/Fjallabyggð
