Myndband frá árinu 1984, tekið af Kristni R. Gunnarssyni, fannst nýverið á háalofti húsnæðis Slökkviliðs Fjallabyggðar.
Þar má sjá æfingu Slökkviliðs Siglufjarðar þegar hús við Tjarnargötu 8 var brennt niður og slökkviliðið nýtti tækifærið til að æfa reykköfun, björgun og slökkvistarf.
Eins og við mátti búast vakti æfingin mikla athygli og í myndbandinu má sjá fjölda bæjarbúa fylgjast með aðgerðum slökkviliðsins.
Upptakan veitir áhugaverða innsýn í starfsemi Slökkviliðs Siglufjarðar á þeim tíma og gaman er að sjá kunn andlit úr bæjarlífinu árið 1984.
Sjá má myndbandið á facebooksíðu Slökkviliðs Fjallabyggðar: HÉR
Mynd/skjáskot úr myndbandi
