Matvælastofnun varar við neyslu á Jelly strip XL, sem Lagsmaður flytur inn. Varan inniheldur óleyfilegu aukefnin E407, E410 og E415 og getur verið hættuleg m.t.t. köfnunar og þá sérstaklega fyrir börn. Fyrirtækið hefur innkallað vöruna í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness.
Matvælastofnun fékk upplýsingar um vöruna í gegnum Evrópska hraðviðvörunarkerfið RASFF.
Einungis er verðið að innkalla eftirfarandi framleiðslulotu:
- Vara: Jelly strip XL
- Vörumerki: Jin Jin
- Geymsluþol: b.f. 05.05.2026
- Framleiðandi: Jellico Food Co Ltd
- Framleiðsluland: Taiwan
- Innflytjandi: Lagsmaður
- Dreifing: Fiska.is, Nýbýlavegi 6, 200 Kópavogur