Tónlistarkonan Sjana Rut heldur áfram að færa hlustendum lífsgleði og kraft — nú með nýja laginu „Up“, sem kom út föstudaginn 28. nóvember og er þegar komið í spilun á FM Trölla.
„Up“ er spriklandi dans- og stelpupopp, með skammti af töffaraskap og sjálfsstyrkingu. Lagið fjallar um að hrista af sér leiðindi, taka lífinu létt og leyfa sér að lyftast — hvort sem það er í gegnum nýtt upphaf, erfiða tíma eða einfaldlega amstur dagsins.
Sjana byrjaði vinnuna í eigin heimastúdíói og hélt svo áfram með lagið í Stúdíó Paradís ásamt Ásmundi Jóhannssyni, sem hefur unnið með henni að fjölda útgáfna.
„Up“ ber með sér pepp og gleði — fullkomið lag fyrir morgunhlaup, kvöldrúnt, æfingu eða einfaldlega til að hrista ryk af sálartetrinu.
Flytjandi: Sjana Rut
Heiti lags: Up
Laga- og textahöfundur: Sjana Rut
Lagið er aðgengilegt á öllum helstu streymisveitum og nú í spilun á FM Trölla.
