Ráðið hefur verið í starf deildarstjóra fræðslu- og frístundamála hjá Fjallabyggð.
Á 158. fundi fræðslu- og frístundanefndar Fjallabyggðar greindi sviðsstjóri frá því að Ásdís Sigurðardóttir hefði verið ráðin í stöðuna og muni hún hefja störf 1. mars.
Ásdís er Siglfirðingur og dóttir Kristrúnar Halldórsdóttur og Sigurðar Hafliðasonar.
Helstu verkefni og ábyrgðarsvið:
Þátttaka í mótun framtíðarsýnar og stefnumótun með hagsmunaaðilum í samræmi
við stefnur og lög sem tengjast málaflokknum
Aðkoma að gerð fjárhagsáætlana í samvinnu við sviðsstjóra
Umsjón með Frístund, frístundastarfi fyrir 1. – 4. bekk í samstarfi við grunnskólann,
íþróttafélög og tónlistarskólann
Umsjón með félagsmiðstöðinni Neon og ungmennaráði
Samstarf og samskitpi við íþróttafélög varðandi frístundastarf barna og unglinga
Umsjón með Sportabler, rafrænum frístundastyrkjum og er tengiliður við notendur
Ýmis önnur verkefni og samstarf til samræmis við þjónustumarkmið
