Blómkáls- og eplasúpa (uppskrift fyrir 4)
- 1 gulur laukur
- 1/2 blómkálshaus
- 2 epli (ég var með rauð)
- smá þurrkað timjan (1/2 – 1 tsk)
- 2 grænmetisteningar
- salt og pipar
Afhýðið og hakkið laukinn. Skerið blómkálið og eplin í bita. Steikið lauk, blómkál og epli í rúmgóðum potti og kryddið með timjan. Hellið vatni yfir þannig að það rétt fljóti yfir grænmetið og bætið grænmetisteningum í pottinn. Látið sjóða undir loki þar til grænmetið er orðið mjúkt (tekur 5-10 mínútur). Mixið súpuna slétta með töfrasprota. Smakkið til með salti og pipar.
Uppskrift: Ljúfmeti og lekkerheit
