Tilkynning barst lögreglunni á Norðurlandi vestra fyrr í dag vegna einshreyfils flugvélar sem hlekktist á í lendingu á Blönduósflugvelli.
Um borð í vélinni voru flugmaður og þrír farþegar. Þeir hafa verið fluttir til skoðunar á Heilbrigðisstofnun Norðurlands á Blönduósi. Meiðsl þeirra eru ekki talin alvarleg á þessari stundu.
Rannsóknardeild lögreglustjórans á Norðurlandi vestra ásamt rannsóknarnefnd samgönguslysa fara með rannsókn málsins.
