Nýlega fengum við póst frá Finnlandi þar sem maður að nafni Jim Solatie sagðist hafa náð útsendingu FM Trölla á fm bylgju, 103.7MHz.
Halló og kveðjur frá Finnlandi!
Ég heiti Jim Solatie og ég er útvarpsáhugamaður (DX-hlustandi). Ég er mjög ánægður að segja þér frá því að ég hef heyrt FM Trölli á 103.7 MHz hér í Finnlandi!
Á hverju sumri er hægt að heyra fjarlægar FM útvarpsstöðvar, þökk sé skammvinnum bylgjum í jónahvolfinu.
Ég nota 14-þátta yagi loftnet, og á þriðjudaginn, 30. júlí 2024, var ágætur bylgjuskoppur milli Finnlands og Íslands.
Ég var að hlusta í sumarbústaðnum mínum í Partakko, Lapplandi, Norður-Finnlandi. Á 103.7 MHz, klukkan 21.39 að íslenskum sumartíma, heyrði ég stöðina ykkar. Ég hef tekið upp dagskrá ykkar á meðfylgjandi hljóðklippu á þeim tíma með tilkynningu frá karlkyns tilkynnanda, á eftir kom lagið “I Shot the Sherif”.
Ég sá meira að segja RDS PI-kóðann ykkar: A3A1.
Það var virkilega áhugavert og mjög sérstakt að heyra merki ykkar á FM. Þetta hefur aldrei gerst á ævi minni áður.
Ég vona að þér líki bréfið mitt, og ég myndi mjög þakka ef þú myndir skrifa til baka til að staðfesta að ég hafi heyrt útvarpsstöðina ykkar. Ég vona að þú kannist við karlkyns tilkynnandann á hljóðklippunni minni. Þakka þér kærlega fyrirfram!
Kærar kveðjur,
Jim Solatie
Skömmu síðar þann sama dag sendi vinur hans, Vesa-Jussi Rinkinen, sem er annar DX í Finnlandi, sambærilegt skeyti ásamt hljóðklippu frá sama tíma.
Þetta er í fyrsta skipti sem við fáum upplýsingar um að FM útsendingar frá okkur náist erlendis, hvað þá í nánast 2.000 Km fjarlægð!
Við athugun kom í ljós að þetta var vissulega útsending frá FM Trölla, bæði hljóðklippan og yfirlit stöðvarinnar yfir það sem spilað er staðfestu það. RDS kóðinn passar líka eins og sést á myndinni hér að ofan, sem tekin var Eyjafirði, í júní 2018, af mælitæki sem notað er til að skoða merki FM útsendinga.
Eftir ábendingu um hvernig hægt er að hlusta á FM Trölla á internetinu sagði Jim:
“Ég byrjaði að spila FM Trölla strax í Radio Garden. Við konan mín og ég fengum okkur grillaða kjúklingavængi og hlustuðum á Trölla!”
