Vegna fæðingarorlofs er laust til umsóknar tímabundið starf forstöðumanns safna í Húnaþingi vestra.
Húnaþing vestra óskar eftir að ráða afleysingu fyrir forstöðumann safna í Húnaþingi vestra í tímabundið starf, frá 1. maí nk. til 1. mars 2022. Starfið er fullt starf.
Forstöðumaður ber ábyrgð á starfsemi safna sveitarfélagsins, bókasafni, héraðsskjalasafni, byggðasafni og fjarvinnslustofu, þjónustu þess og samstarfi við aðila innan og utan sveitarfélagsins. Safnamál heyra undir fjármála- og stjórnsýslusvið sveitarfélagsins.
Starfssvið:
- Fagleg og fjárhagsleg ábyrgð á rekstri safna sveitarfélagsins.
- Ábyrgð á áframhaldandi uppbyggingu safnkostar þannig að hann styðji sem best við starfsemi safnanna.
- Yfirumsjón með stafrænum tímaritakosti bókasafnsins og öðrum gagnasöfnum.
- Yfirumsjón og utanumhald um notkun og þróun skjalastjórnunarkerfa í samstarfi við sviðsstjóra fjármála- og stjórnsýslusviðs.
- Viðhald og þróun á þeim hluta heimasíðu sveitarfélagsins sem varðar söfnin.
Menntun og hæfniskröfur:
- Haldgóð menntun sem nýtist í starfi.
- Þekking og reynsla af skjalavörslu æskileg.
- Haldgóð reynsla af rekstri.
- Starfið gerir kröfu um góða stjórnunar- og samskiptahæfni.
- Góð íslensku- og enskukunnátta.
Frekari upplýsingar um starfið gefur Elín Jóna Rósinberg sviðsstjóri- og stjórnsýslusviðs. Umsóknir skulu sendar í tölvupósti á netfangið ellajona@hunathing.is.
Umsóknarfrestur er til 25. febrúar nk.
