Íbúar sem eiga rétt á frístundastyrk Húnaþings vestra eru hvattir til að nýta sér hann. Upphæð styrksins er 25.000 kr.
Öll börn og ungmenni frá 0-18 ára með lögheimili í Húnaþingi vestra eiga rétt á að sækja um styrkinn. Foreldrar/forráðamenn þurfa að sækja um styrkinn í gegnum íbúagátt sveitarfélagsins.
Hægt er að sækja um styrkinn fyrir skipulagt íþrótta- og tómstundastarf í Húnaþingi vestra, eða greiðslu árskorta í íþróttamiðstöð Húnaþings vestra. Einnig sem innborgun á tónlistarskólagjöld.
Athugið að það skal vera búið að sækja um frístundastyrk fyrir 15. desember ár hvert.
