Í kvöld föstudaginn 10. janúar verður fullt tungl í fyrsta sinn á þessu ári. Fyrst tunglið er fullt svo snemma í ár verða þrettán full tungl árið 2020.
Í október verður tunglið fullt tvisvar. Seinasta fulla tungl ársins verður svo 30. desember.
Fólk er hvatt til að kíkja á tunglið í kringum klukkan 19:20 í kvöld ef veður leyfir. Þá verður tunglið dýpst innan í hálfskugga Jarðar og gæti sýnst ögn daufara en venjulega.
Yfirleitt er mjög erfitt að koma auga á hálfskuggamyrkva en frá okkur séð verður neðsti hluti tunglsins einna dekkstur.
Heimild: Stjörnufræðivefurinn
