Ungmennafélagið Glói hefur undanfarin sumur boðið ungmennum upp á ævintýraviku á Siglufirði.
Nú er fyrri ævintýravikunni lokið og er hægt að sjá myndir frá ævintýrum barnanna á facebook síðu Umf. Glóa.
Á facebooksíðu félagsins segir. “Við brugðum okkur í Skógræktina á síðasta degi Ævintýravikunnar. Vorum svo heppin að þekkja rútubílstjóra sem gat skutlað okkur þangað og aftur heim.
Röltum eftir skemmtilegum stígum, heyrðum fuglana syngja, skoðuðum Leyningsfoss, óðum í ánni, fengum okkur nesti, kíktum í Skarðdalskot og svo fengu allir krap úr golfskálanum áður en haldið var heim á leið.
Þökkum fyrir frábæra viku. Næsta Ævintýravika verður í júlí, endanleg dagsetning ekki komin á hreint, hún verður fyrir árganga 2015 – 2017.
Fyrir þá sem ætla að nota frístundaávísanir til að greiða fyrir Ævintýravikuna sem var að klárast þá ætti það að koma inn á Sportabler í næstu viku”.
Hér að neðan eru nokkrar myndir frá deginum gærdeginum.
Myndir/Umf. Glói
