Þann 4. apríl síðastliðinn átti þúsundþjalasmiðurinn Njörður S. Jóhannsson á Siglufirði 80 ára afmæli.
Af því tilefni var ákveðið að gefa út bók um á þriðja tug líkana hans af norðlenskum hákarlaskipum frá 18. og 19. öld og rekja jafnframt sögu þeirra. Langflest voru úr Fljótum, en sviðið nær að auki yfir á austurströnd Eyjafjarðar og vestur á Skagaströnd.
Höfundur texta er Sigurður Ægisson.
Þau sem hefðu áhuga á að setja nafn sitt á heillaóskaskrá, sem jafnframt er forpöntun á bókinni, geta haft samband við Bókaútgáfuna Hóla ehf. fyrir 5. september.
Netfangið er holar@holabok.is, sími 692-8508. Gefa þarf upp nafn, kennitölu og heimilisfang.
Bókin er væntanleg á markað í október og verð hennar er 8.000 krónur.
Myndir/aðsendar
