Það ríkti mikil gleði og samheldni í Hvanneyrarskál þegar jólaljósin voru sett upp við góðar aðstæður og frábær stemning fylgdi deginum. Að sögn Skíðafélags Siglufjarðar Skíðaborgar (SSS) var skálasvæðið fullt af fólki og ungu iðkendurnir í félaginu lögðu hart að sér við verkið af miklum dugnaði.
Ungir iðkendur SSS lögðu hart að sér og unnu af mikilli samheldni undir traustri stjórn Andrésar Stefáns og Ragga Ragg. Þeir hafa lengi verið viðloðandi þessi störf og leggja nú áherslu á að þjálfa yngri kynslóðina í verkinu svo hefðin haldist á lofti. Samvinna kynslóða var greinileg og vinnan gekk hratt og vel fyrir sig.
Í áraraðir hefur verið við lýði sú hefð að taka pela af viskíi og konfektkassa upp í skál og þegar verki er lokið eru þau afhent sem táknræn verðlaun fyrir vel unnið starf. Svo var einnig gert að þessu sinni og var hefðin heiðruð að loknu dagsverki.
Jón Andrés greinir frá því að Ási Sigurbjörnsson hafi komið þessari hefð á og séu menn honum jafnan þakklátir í lok dags þegar viskípelinn gengur manna á milli og samveran fær að njóta sín eftir erfiði dagsins.
Að lokum færir Skíðafélag Siglufjarðar Skíðaborg öllum þeim sem lögðu hönd á plóg kærar þakkir fyrir aðstoðina og góða samveru.
Tengt efni:
Myndir: facebook / Skíðafélag Siglufjarðar Skíðaborg
