Samkvæmt Nýjasta Þjóðarpúlsi Gallup og RÚV í september heldur Samfylkingin stöðu sinni sem stærsti flokkur landsins með 34,6% fylgi ef kosið yrði til Alþingis í dag. Það er lítil breyting frá júlí þegar flokkurinn mældist með 34,7%.
Sjálfstæðisflokkurinn mælist nú með 19,7% fylgi, sem er svipað og í síðustu könnun, en Viðreisn tapar fylgi og fer úr 14,6% í 12,9%. Miðflokkurinn styrkist lítillega og mælist með 11%, en Flokkur fólksins fær 7,4%. Framsóknarflokkurinn mælist með 4,5% og Vinstri græn 3,7%. Píratar eru með 3,5% fylgi.
Helsta breytingin í könnuninni er sú að fylgi Viðreisnar minnkar um tæplega tvö prósentustig. Aðrir flokkar mælast með svipað fylgi og í júlí, breytingar eru á bilinu 0–1 prósentustig og eru því innan skekkjumarka.
Ef niðurstöður væru yfirfærðar á þing yrði Samfylkingin stærsti flokkurinn með 35% atkvæða, Sjálfstæðisflokkurinn næstur með 20%, Viðreisn 13%, Miðflokkurinn 11% og Flokkur fólksins 7%. Aðrir flokkar fengju samanlagt undir 5% fylgi.
Stuðningur við ríkisstjórnina mælist nú 64% en var 65% í júlí. Stuðningur við stjórnarandstöðuflokka er 55%, sem er lítil breyting frá síðustu könnun.
Niðurstöður sýna einnig að 81,6% landsmanna segjast ákveðnir í að kjósa næst, 12,5% eru ekki viss hvort þeir muni kjósa eða hvaða flokk þeir styðja, og 5,9% segjast ekki hyggjast kjósa.
Spurt var:
- Ef kosið yrði til Alþingis í dag, hvaða flokk myndir þú kjósa?
- En hvaða flokkur yrði líklegast fyrir valinu?
- Styður þú ríkisstjórnina?
Fylgi flokkana í Norðvestur og Norðausturkjördæmi
Norðvesturkjördæmi
- Framsókn: 14,3%
- Viðreisn: 10,4%
- Sjálfstæðisflokkur: 20,3%
- Flokkur fólksins: 8,0%
- Sósíalistaflokkurinn: 0,3%
- Miðflokkurinn: 11,5%
- Píratar: 2,5%
- Samfylkingin: 27,6%
- Vinstri græn: 3,7%
- Annað: 0,0%
Norðausturkjördæmi
- Framsókn: 7,8%
- Viðreisn: 5,8%
- Sjálfstæðisflokkur: 14,2%
- Flokkur fólksins: 9,2%
- Sósíalistaflokkurinn: 3,9%
- Miðflokkurinn: 12,7%
- Píratar: 2,0%
- Samfylkingin: 27,1%
- Vinstri græn: 4,9%
- Annað: 0,1%
Mynd/aðsend
