Matvælastofnun varar við neyslu á TRS Asia´s finest foods black eye beans sem Lagsmaður ehf. og Kína Panda ehf. flytja inn vegna þess að það greindist ólöglegt varnarefni (chlorpyrifos) í baununum. Heilbrigðiseftirlit Hafnarfjarðar, Garðarbæjar og Kópavogs (HHGK) og Heilbrigðiseftirlit Suðurnesja (HSN) aðstoða fyrirtækin með innköllun.
Matvælastofnun fékk upplýsingar um vörurnar í gegnum evrópska hraðviðvörunarkerfið RASFF um hættuleg matvæli á markaði og gerði heilbrigðiseftirlitinu viðvart.
Innköllunin á einungis við eftirfarandi lotu með best fyrir dagsetningu 30.04.2022:
- Vörumerki: TRS Asia’s finest foods
- Vöruheiti: Black eye beans
- Innflytjandi: Lagsmaður ehf.
- Lotunúmer/best fyrir dagsetningar: P70463 með best fyrir dagsetningu 30.04.2022
- Dreifing: Fiska.is, verslanir Fiska.is á Nýbýlavegi 6 í Kópavogi og Lóuhólum 2 Reykjavík, ásamt Kína Panda ehf. í Keflavík.
Viðskiptavinum sem keypt hafa vöruna er bent á að farga henni eða skila til þeirrar verslunar þar sem hún var keypt. Frekari upplýsingar eru veittar á netfanginu fiska@fiska.is.
Ítarefni
- Fréttatilkynning Heilbrigðiseftirlits Hafnarfjarðar, Garðabæjar og Kópavogs
- Þessum upplýsingum átt þú rétt á – upplýsingaspjald Matvælastofnunar um merkingar matvæla
- Listi Matvælastofnunar yfir innkallanir
- Neytendavakt Matvælastofnunar á Facebook
