Skíðasvæðið í Skarðsdal er gjörbreytt eftir miklar framkvæmdir í haust og nú meðan beðið er eftir snjónum er unnið að minniháttar lokafrágangi.
L-7 verktakar sjá um framkvæmdir á svæðinu og var Andrés Stefánsson reynslubolti úr skíðaheiminum ráðinn til að fylgja verkefninu eftir.
SSS er að taka aftur við veitingasölunni á svæðinu og þar vinna duglegir foreldrar í sjálfboðavinnu til að afla tekna fyrir barnastarfið.
Við lofum ljúffengum veitingum í vetur, rjúkandi kakó og vöfflur ásamt mörgu fleiru.
Töfrateppið er komið á svæðið og núna verður milljón sinnum skemmtilegra fyrir fjölskyldur að koma og leika við minnstu skíðakappana.
Frábær vetur framundan í skarðinu.
Á forsíðumynd er Andrés Stefánsson með súlulyftu í bakgrunn.
Heimild og mynd/Skíðafélag Siglufjarðar Skíðaborg
