Í næstu viku munum við hjá Rarik hefja endurnýjun snjallmæla fyrir hita og rafmagn á Siglufirði. Við munum hafa samband við viðskiptavini fljótlega og senda upplýsingar um mælaskiptin bæði með SMS skilaboðum og nánari upplýsingum í tölvupósti. Starfsmenn Rarik sem vinna í mælaskiptunum verða í samband til að finna tíma sem hentar.
Við hlökkum til að færa ykkur enn snjallari framtíð.
Starfsfólk Rarik
Nánar um mælaskiptin:
Af hverju erum við að skipta út mælum?
- Við erum að skipta í nýja og snjallari orkusölumæla sem gefa enn betri gögn um raunnotkun viðskiptavina.
Hvernig fara mælaskiptin fram ?
- Sérbýli: Viðskiptavinir fá upplýsingar sendar bæði með SMS skilaboðum og í tölvupósti. Starfsfólk Rarik sem vinna í mælaskiptum verða í sambandi til að finna tíma sem hentar.
- Fjölbýli: Í fjölbýlishúsum eru mælar yfirleitt í sameign og þá er nóg að einhver sé heima til að hleypa okkur inn. Við sendum tengilið húsfélagsins skilaboð og látum vita að við séum á leiðinni.
Mikilvægt er að viðskiptavinir tryggi að tengiliðaupplýsingar séu réttar á Mínum síðum Rarik.https://www.rarik.is/
Heimsóknin
- Þegar kemur að mælaskiptunum mun fólk á okkar vegum heimsækja þig og skipta um orkusölumælana.
- Sjálf mælaskiptin taka um 30 mínútur, en taka þarf rafmagn og heitt vatn af á meðan.
- Við biðjum þig að tryggja gott aðgengi að mælum svo skiptin gangi vel fyrir sig.
Nánari upplýsingar um snjallmæla má finna á vef Rarik, https://www.rarik.is/spurt-og-svarad/snjallmaelar
