Tilkynning frá veitustjóra
Á undanförum dögum hefur vatnshæðin í kaldavatnstank fyrir Hvammstanga farið lækkandi. Ástæður fyrir þessari lækkun er að minna vatn kemur frá Grákollulind og óvenjumikil kaldavatnsnotkun. Til að sporna við frekari vatnshæðar lækkun var brugðið á það ráð að minnka rennslið frá tanknum sem hefur leitt til þess að hæðin í tanknum fer nú hækkandi. En þessi aðgerð gæti haft þau áhrif að inntaksþrýstingur inn í hús minnkar.
Þau sem lenda í því að kaldavatnsþrýstingurinn verði of lágur skal tilkynna það til veitustjóra í síma 831-7100
Eftirfarandi sparnaðarráð á kalda vatni er gott að hafa í huga:
- Tryggið að neysluvatnskerfin séu í lagi og að aftöppunarstaðir séu ekki að leka vatni t.d. hvort að það sé sírennsli í salernum, lekir kranar o.s.frv.
- Eigendur atvinnuhúsnæða athugi hvort það leki nokkuð kalda vatnið að óþörfu.
- Látið kalda vatnið ekki renna til að það kólni. Látið renna í könnur og kælið vatnið í ísskápnum. Þetta kallar á fyrirhyggju þannig að alltaf sé til nægilegt kalt vatn í ísskápnum.
- Látið ekki renna vatn þegar verið er að bursta tennur. Sama á við um rakstur.
- Notið minna vatn við bílaþvott með því að skola fyrst mesta skítinn af bílnum, en sápuþvo síðan með svampi og vatni í fötu og skola bílinn síðan í framhaldi af því.
“Það er von okkar að með samstilltu átaki og virkum sparnaðarráðum þurfum við ekki að hafa áhyggjur að beinum vatnsskorti og því mikilvægt að allir leggist á eitt í þessum efnum.”
