Markaðsstofa Norðurlands og Flugklasinn Air 66N munu halda ráðstefnu um flugmál á Akureyri þann 26. apríl n.k. Ráðstefnan verður haldin í Hofi kl. 12:30 – 16:00.
Fjallað verður m.a. um stöðuna á uppbyggingu Akureyrarflugvallar, reynslu af flugi frá Hollandi og framtíðarhorfur í millilandaflugi á Akureyri. Einnig verða fulltrúar frá Niceair með kynningu á áformum félagsins.
Allir áhugasamir eru hvattir til að taka daginn frá, en nánari dagskrá verður auglýst síðar.
