Fyrir þá sem ekki vita þá er hinn svokallaði 1-1-2 dagur ár hvert, þann 11. febrúar, eða 11.2. sem í ár ber upp á föstudag.
Í tilefni dagsins verða tónleikar í Siglufjarðarkirkju til að styrkja björgunarsveitina Stráka á Siglufirði.
Í ár eru tónleikarnir til styrktar kaupum á fullkomnum leitar og björgunardróna.
Á facebooksíðu Stráka segir:
“Það styttist í tónlistarveisluna í Siglufjarðarkirkju. Tónlistarfólkið æfir nú á fullu og annar undirbúningur kominn á skrið.
Við hjá Strákum erum þeim sem standa að þessum árlegu tónleikum ævinlega þakklát og eins ykkur öllum sem hafið sýnt stuðning í verki með því að kaupa miða.”
