Kartöflugratín
- ca 1 kg kartöflur
- 2 msk mjúkt smjör
- 1/4 bolli nýmjólk
- 1 ½ bolli rjómi
- 2 msk hveiti
- 3 hvítlauksrif
- 1 tsk salt
- pipar úr kvörn
- 1 bolli rifinn cheddar ostur
- 2 vorlaukar, bara hvíti og ljósgræni hlutinn
Hitið ofninn í 200° og smyrjið eldfast mót með smjöri. Skerið kartöflurnar í teninga og setjið í smurt eldfasta mótið.
Blandið saman mjólk og rjóma í skál og bætið hveiti, pressuðum hvítlauk, salti og pipar saman við. Hrærið vel saman þar til blandan er kekkjalaus. Hellið rjómablöndunni yfir kartöflurnar og setjið álpappír yfir.
Bakið í 30 mínútur, takið þá álpappírinn yfir og bakið áfram í 20 mínútur til viðbótar. Undir lokin er rifinn cheddarostur settur yfir og látinn bráðna síðustu mínúturnar í ofninum. Stráið þunnt skornum vorlauk yfir og berið fram heitt.
Uppskrift: Ljúfmeti og lekkerheit
