Á facebooksíðu Sjálfstæðisflokks Fjallabyggðar kemur fram á Gunnar I. Birgisson sitjandi bæjarstóri Fjallabyggðar gefur kost á sér áfram næstu fjögur árin. Tillaga sjálfstæðismanna í Fjallabyggð er að hann verði endurráðinn sem bæjarstjóri ef flokkurinn fær til þess brautargengi.
Gunnar Birgisson er fæddur 30. september 1947 í Reykjavík og verður því 71 árs á þessu ári. Gunnar lauk doktorsnámi í jarðvegsverkfræði frá University of Missouri í Bandaríkjunum 1983. Hann var formaður bæjarráðs Kópavogs frá 1990 til 2005 þegar hann tók við embætti bæjarstjóra. Hann sat á þingi fyrir Sjálfstæðisflokkinn frá 1999 til 2005. Gunnar tók við starfi bæjarstjóra í Fjallabyggð af Sigurði Val ásbjarnasyni þann 29. janúar 2015.
N4 tók viðtal við Gunnar I. Birgisson á dögunum og má sjá það hér að neðan.
Texti og mynd: Kristín Sigurjónsdóttir
Myndband: N4
