Íslenski þjóðhátíðardagurinn er haldinn hátíðlegur 17. júní ár hvert á fæðingardegi Jóns Sigurðssonar.
Fæðingardags hans var fyrst minnst með opinberum samkomum árið 1907 en fyrst var haldinn almennur þjóðminningardagur á aldarafmæli Jóns Sigurðssonar 17. júní 1911. Þá var Háskóli Íslands settur í fyrsta sinn. Eftir það héldu íþróttasamtök upp á daginn.
Árið 1944 var 17. júní valinn stofndagur lýðveldisins. Síðan hefur hann verið opinber þjóðhátíðardagur og almennur frídagur.
Þjóðhátíðarsöngvarnir „Hver á sér fegra föðurland“ og „Land míns föður“ eru gjarnan sungnir þegar ættjarðarinnar er minnst. Textarnir fjalla á hátíðlegan hátt um ættjörðina.
17. júní hátíðarhöld eru haldin víða um land og er fjölbreytt dagskrá í Fjallabyggð í dag.
Heimild að hluta/Wikipedia
