Bæjarráð Fjallabyggðar hefur samþykkt tillögu bæjarstjóra um tilfærslu innan fjárfestingaáætlunar ársins vegna viðgerða á neysluvatnslögnum í húsnæði Menntaskólans á Tröllaskaga. Heildarkostnaður við framkvæmdirnar nemur um 5 milljónum króna.
Með samþykkt bæjarráðs verður sú fjárhæð færð innan fjárfestingaáætlunar, án þess að það hafi áhrif á heildarfjárfestingu ársins. Viðgerðirnar eru nauðsynlegar til að tryggja áframhaldandi örugga vatnsveitu í húsnæðinu.
