Lögð fram tillaga bæjarstjóra á 901. fundi bæjarráðs yfir greiðslur og skiptingu framlags til stjórnmálasamtaka fyrir árið 2025 í samræmi við ákvæði 5.gr. laga nr. 162/2006.
Samtals er lagt til kr. 490.684 framlag sem skiptist á milli stjórnmálasamtaka í Fjallabyggð í samræmi við atkvæðafjölda í síðustu sveitarstjórnarkosningum eins og lög gera ráð fyrir. Gert er ráð fyrir greiðslunni í fjárhagsáætlun líðandi árs.
Bæjarráð samþykkti fyrirliggjandi tillögu sem byggir á ákvæðum laga um styrki til stjórnmálaflokka.
Þrír listar eiga fulltrúa í bæjarstjórn Fjallabyggðar
Þrír listar eiga fulltrúa í bæjarstjórn Fjallabyggðar samkvæmt niðurstöðum síðustu sveitarstjórnarkosninga. Um er að ræða A-lista Jafnaðarfólks og óháðra, D-lista Sjálfstæðisflokksins og H-lista sem ber heitið Fyrir heildina.
A-listinn hlaut þrjú sæti í bæjarstjórn og á þar stærsta hóp fulltrúa. Listinn er samstarf jafnaðarmanna og óháðra frambjóðenda. Fulltrúar listans eru Guðjón M. Ólafsson, Sæbjörg Ágústsdóttir og Arnar Þór Stefánsson.
D-listi Sjálfstæðisflokksins hlaut tvö sæti. Fyrir listann sitja í bæjarstjórn Sigríður Guðrún Hauksdóttir og Tómas Atli Einarsson.
H-listinn, Fyrir heildina, hlaut einnig tvö sæti í bæjarstjórn. Fulltrúar listans eru Helgi Jóhannsson og Þorgeir Bjarnason.
Bæjarstjórn Fjallabyggðar er því skipuð sjö fulltrúum, sem endurspeglar þá blöndu flokkstengdra og óháðra lista sem hefur einkennt sveitarstjórnarmál í bæjarfélaginu undanfarin ár.
