Skíðafélag Ólafsfjarðar stendur fyrir Bikarmóti, jafnframt FIS-móti, í skíðagöngu í Bárubraut um helgina þar sem spennandi keppni er fram undan. Keppt verður bæði á föstudag og sunnudag en hlé verður gert á laugardag vegna annarrar stórviðburðar í greininni.
Keppni hefst klukkan 17:00 á föstudag með sprettgöngu þar sem gengið verður með hefðbundinni aðferð. Þar má búast við hraða og harðri baráttu enda sprettgreinin ávallt áhorfendavæn og spennandi.
Ekki verður keppt á laugardag þar sem Íslandsgangan Súlur Vertical fer fram á Akureyri og margir keppendur taka þátt í þeim krefjandi viðburði. Á sunnudag heldur dagskráin síðan áfram í Bárubraut þegar keppt verður með frjálsri aðferð. Keppendur verða ræstir með hópstarti og hefst keppni klukkan 11:00.
Allar helstu upplýsingar um Bikarmótið má finna á heimasíðu Skíðafélags Ólafsfjarðar.
Áhugafólk um skíðagöngu er hvatt til að mæta í Tindaöxl og fylgjast með skemmtilegri keppni, og ekki síður að taka þátt í eða hvetja þátttakendur í Súlur Vertical göngunni á laugardag. Hér er um sannkallaða skíðahelgi að ræða þar sem bæði keppendur og áhorfendur geta notið þess besta sem greinin hefur upp á að bjóða.
Mynd: skiol.is
