Úrkoma hefur verið mikil á Siglufirði og Tröllaskaga síðustu tvo daga og í gær var vatnsaginn á Síldarminjasafni Íslands eins og verst verður.
Brunnar yfirfylltust og frárennsli hafði ekki undan.
Um hádegi í gær var vatnshæðin innanhúss orðin rétt tæpir 80cm.
Slökkvilið Fjallabyggðar brást skjótt við neyðarkallinu og unnu þeir að því að koma vatninu af lóðinni og innan úr Njarðarskemmu út í sjó, með öllum tiltækum dælum.
Í gærkvöldi var enn töluvert vatnsmagn bæði innanhúss og utan en hætt að rigna.
![](https://trolli.is/wp-content/uploads/2022/11/315151817_479858004122682_6878184468470496017_n-1024x768.jpeg)
![](https://trolli.is/wp-content/uploads/2022/11/314457993_479857997456016_6488065234259305355_n-1024x768.jpeg)
![](https://trolli.is/wp-content/uploads/2022/11/314349235_479858000789349_7927517180465521005_n-1024x768.jpeg)
Myndir/Síldarminjasafn Íslands