Í Menntaskólanum á Tröllaskaga er áfangi sem Ida Semey kennir og heitir Matur og menning. Í þessum áfanga eru 13 nemendur sem hittast yfir pottunum og pönnum einu sinni í viku í eldhúsi Grunnskólans og elda framandi rétti frá öðrum menningarheimum frá grunni. Eins og Ida segir:
” nemendurnir fá að borða framandi menningu í gegnum matinn”
Fréttaritari Trölla fékk að vera með hópnum í tíma þar sem þau voru að elda mexíkóskt tortillias og var boðið að borða lostætið í lok tímans og bragðast það listavel. Í vetur fer kennarinn Ida Semey með hópinn í tvær vettvangsferðir og í lok annar verður boðið upp á matarveislu í MTR. Einnig koma af og til gestakokkar, gjarnan af erlendu bergi brotnir til að kenna nemendum matargerð frá þeirra heimalöndum.
Ida Semey er kokkur af hjartans list og skilar því til nemenda sinna á ljúfan og þolinmóðan hátt sem skilar sér í ánægðum hóp nemenda.
Hér er verið að leggja lokahöndina á tortilla sósu
Hér er Ida að kenna nemenda að þekkja mismunandi gerðir af chili pipar
Þessir nemendur sáu um bakstur á tortilla
Hér má sjá mismunandi gerið af chili pipar
Eldhúsið í grunnskóla Fjallabyggðar Ólafsfirði er vel útbúið og góð vinnuaðstaða er þar fyrir hendi
Hér er verið að steikja lauk og kartöflur
Verið að leggja á borðið
Hér má sjá afrakstur tímans í mat og menningu
Maturinn var virkilega góður og gaman að vera með krökkunum í tímanum
Hér má sjá uppskriftirnar sem unnið var með í tímanum
