Ákveðið hefur verið að fresta Fjarðargöngunni sem fram átti að fara helgina 7.-8. febrúar til 28. febrúar. Næturgangan er 28. febrúar og sjálf Fjarðargangan fer fram 1. mars.
Ástæðan er snjóleysi á Ólafsfirði að sögn forsvarsmanna göngunnar.
Því miður enginn snjór á okkar mælikvarða, skítugir ruðningar og svell. Spáin næstu sólarhringa gerir ráð fyrir rigningu, roki og hita svo við erum skák og mát.
Við hlökkum til að taka á móti ykkur um mánaðarmótin, við ráðum því miður ekki við veðurguðina en vonum að þeir verði komnir með okkur í lið sem allra fyrst segir á facebook síðu Fjarðargöngunnar.
Skráningarsíða verður uppfærð eins fljótt og hægt er, meðfylgjandi eru myndir frá stöðunni sem blasir við.
Myndir/Fjarðargangan
