Það var falleg stemning á Ráðhústorginu á Siglufirði í gær þegar bæjarbúar komu saman til að fylgjast með tendrun jólaljósanna á jólatréinu.
Sandra Finnsdóttir flutti hugvekju sem skapaði hlýja og hátíðlega stemmningu og Tinna Hjaltadóttir ásamt Guðmanni Sveinssyni leiddu viðstöddum í nokkur af sínum fegurstu jólalögum. Börnin úr leikskólanum Leikskálum tóku einnig lagið og nutu hlýrra móttaka hjá samkomugestum.
Líkt og við mátti búast létu jólasveinarnir ekki sitt eftir liggja, nokkrir þeirra mættu snemma til byggða og skemmtu yngstu gestunum sem fylgdu þeim hlátri og forvitnum spurningum. Að lokinni dagskrá gengu gestir og heimamenn saman hringinn í kringum jólatréð og markaði sú stutta gönguferð formlegt upphaf aðventunnar í bænum.
Næsta föstudag verða jólaljósin tendruð á jólatréinu á Ólafsfirði þegar jólakvöldið í miðbænum fer fram. Viðburðurinn hefst klukkan 19:30 og er árviss samkomustund sem jafnan dregur til sín fjölda gesta.
Meðfylgjandi myndir voru teknar á viðburðinum á Siglufirði í gær.
Myndir/Fjallabyggð
