Jónas Sumarliðason hafnarvörður á Siglufirði lét af störfum föstudaginn 28. febrúar eftir að hafa unnið við höfnina í 21 ár.
Þar áður var hann til sjós í 30 ár, lengi sem skipsstjóri.
Það komu margir við í kaffi á hafnarvigtinni síðasta vinnudag Jónasar, til að kveðja hann.
Þar á meðal starfandi bæjar- og hafnarstjóri Guðrún Sif Guðbrandsdóttir sem færði honum þakkir og gjafir frá bænum.
Björn Valdimarsson kom einnig við á hafnarviktinni og tók meðfylgjandi mynd af þeim Guðrúnu Sif og Jónasi.
Hægt er að skoða fleiri myndir sem Björn hefur tekið af fólkinu í Fjallabyggð hér, https://bjornvald.is.
