Leitin er hafin að Jólastjörnu ársins!
Skráningarfrestur er til 10. október
Skráning er hafin í Jólastjörnuna 2022. Sjónvarp Símans, mbl, Góa, KFC og Sena Live standa fyrir þessari söngkeppni fyrir unga snillinga sem nú er haldin tíunda árið í röð. Sigurvegarinn kemur fram í Laugardalshöllinni með aragrúa af stjörnum laugardaginn 17. desember á stórtónleikunum Jólagestir Björgvins.
Þátttakendur syngja lag að eigin vali og senda okkur hlekk á myndbandsupptöku af söngnum.
Dómnefnd velur þá 12 söngvara sem skara fram úr og verða þeir boðaðir í prufur sem munu skera úr um hver verður Jólastjarnan 2022. Sjónvarp Símans gerir sérstaka þáttaröð um allt ferlið og verða þrír þættir sýndir. Í fyrstu tveimur koma keppendurnir tólf í prufur og í þeim þriðja er sigurvegarinn afhjúpaður.
INNSENDINGAREingöngu er tekið við myndböndum sem vistaðar eru á síðunni youtube.com. Keppendur senda hlekk á myndbandið í umsókninni og láta leyniorð fylgja ef þess þarf.
Lagaval er algjörlega frjálst; lagið sem sungið er má vera eftir hvern sem er, af hvaða tegund sem er og á hvaða tungumáli sem hver og einn vill. Það má vera jólalag en þarf þess ekki. Þátttakendur ráða því að auki hvort þeir syngi við undirspil eður ei.
SKRÁNINGARFRESTUR
Skráningu lýkur á miðnætti mánudaginn 10. október. Tólf krakkar verða í kjölfarið boðaðir í prufur og sigurvegarinn verður svo afhjúpaður í lokaþætti Jólastjörnunnar hjá Sjónvarpi Símans.
Aldurstakmark: 14 ára og yngri. Allir þátttakendur þurfa leyfi forráðamanna.
