Matvælastofnun varar við neyslu á baunaspírum og steiktu tofu og tofu frá Thi hollustu ehf vegna þess að matvælaöryggi var ekki tryggt á framleiðslustað. Starfstöðin uppfyllir ekki kröfur um framleiðslu á matvælum og ekki hægt að tryggja öryggi matvælanna. Heilbrigðiseftirlitið í Hafnarfirði (HEF) hefur aðstoðað fyrirtækið varðandi innköllunina og sent út fréttatilkynningu.
Innköllunin á við allar framleiðslulotur og dagsetningar;
- Vörumerki: THI
- Vöruheiti: Mung spírur, Tofu hvítt, Tofu steikt
- Framleiðandi: Thi framleiðsla ehf.
- Framleiðsluland: Ísland
- Lotunúmer/best fyrir dagsetningar: Allar dagsetningar/öll lotunúmer
- Geymsluskilyrði: Kælivara
- Dreifing: Banh Mi ehf., Bananar ehf. , Fiska.is
Neytendum sem keypt hafa vörurnar er bent á að neyta þeirra ekki.
Nánari upplýsingar veittar hjá framleiðanda í síma: 553-2555 eða á netfanginu mariaminh2505@gmail.com
