Mjúk súkkulaðikaka með vanillukremi og kókos
- 2 egg
- 1 ½ dl sykur
- 2 tsk vanillusykur
- 2 msk kakó
- 2 tsk lyftiduft
- 75 g smjör, brætt
- 3/4 dl mjólk
- 2 1/4 dl hveiti
Glassúr
- 1 ½ msk vanillusykur
- 3 dl flórsykur
- 35 g smjör, brætt
- 2-4 msk vatn
Til að strá yfir kökuna
- kókosmjöl
Hitið ofninn í 180°. Hrærið egg og sykur saman þar til létt og ljóst. Bætið hinum hráefnunum saman við og hrærið snögglega saman í deig. Passið að hræra ekki of lengi því þá er hætta á að kakan verði þung í sér og seig. Setjið deigið í smurt form (um 24 cm í þvermál) og bakið kökuna í 15-20 mínútur, eða þar til prjóni sem er stungið í kökuna kemur hreinn upp.
Glassúr: Hrærið öllum hráefnum saman í skál. Notið vatnið til að ná réttri áferð og þykkt á glassúrnum.
Þegar kakan hefur kólnað þá er glassúrinn settur yfir hana og kókosmjöl stráð strax yfir glassúrinn.
Uppskrift: Ljúfmeti og lekkerheit
