Nemendur á starfsbraut og fleiri brautum nýttu góða veðrið á dögunum og reyndu sig í kæjakróðri og réru á standbretti á Ólafsfjarðarvatni.
Nám um sogæðakerfi og öndun auk hugarstjórnunar var kjarni fræðslunnar, segir Lísebet Hauksdóttir, íþróttakennari.
Eins og myndirnar sýna nutu nemendur þessa lýðheilsutíma sérlega vel. Meðal þess sem þau spreyttu sig á var að stökkva í vatnið af brúnni yfir Ósinn. Vatnið var aðeins um fimm gráðu heitt en menn létu það ekki á sig fá og hlýjuðu sér í heitum potti á eftir.
Sjá myndir: Myndir
Forsíðumynd/Lísebet Hauksdóttir
