Aðalfundur Skíðafélags Siglufjarðar, Skíðaborgar fór fram í safnaðarheimili Siglufjarðarkirkju þann 6. maí. Á fundinum buðu Sandra og Anna María upp á hinar sívinsælu SSS Vilko vöfflur með kaffinu, sem skapaði afslappað andrúmsloft meðal fundargesta. Alls mættu 25 manns á fundinn og gekk hann vel í alla staði.
Kosin var ný stjórn félagsins sem hér segir:
- Hjalti Gunnarsson, formaður (sjálfkjörinn)
- Ingibjörg Guðlaug, gjaldkeri
- Anita Elefsen, ritari
- Kristján Þór, meðstjórnandi
- Ólöf Þóra, meðstjórnandi
- Anna Lind, meðstjórnandi
- Þorgeir Bjarnason, meðstjórnandi
Gurrý, Óskar og Anna María stíga úr stjórn og þakkar félagið þeim fyrir vel unnin störf. Sérstakar þakkir voru færðar Önnu Maríu Björnsdóttur sem hefur gegnt stjórnunarstörfum í sex ár. Hún hefur sinnt þeim af mikilli alúð og býr yfir mikilli þekkingu á félaginu. Anna María mun áfram styðja við nýja stjórn í ýmsum málum, og verður framlag hennar ómetanlegt á komandi tímum.
Mynd/SSS
