Rafmagnsleysi hefur verið víða um land vegna óveðursins og heilu byggðarlögin rafmagnslaus í mislangan tíma. Á Siglufirði stóð rafmagnsleysið yfir í um 15 klst. samfleytt, en rafmagn var sett á bæinn smá saman seinni part miðvikudags.
Meðan á rafmagnsleysinu stóð fóru fréttamenn Trölla.is á stúfana og tóku myndir víðs vegar um Siglufjörð.
Þar var nánast ekki hræða á ferðinni, hvergi ljós að sjá í neinum glugga og engin starfsemi í gangi í bænum. En víða voru kyrrstæðir bílar í gangi þar sem fólk var að hlaða símana til að vera í sambandi við umheiminn.
Sjúkrahús Siglufjarðar var eini staðurinn þar sem rafmagn var í notkun og var það knúið áfram af vararafstöð stofnunarinnar. Var það rómur manna að stöðugur straumur af heimsóknargestum hefðu komið í ilmandi kaffisopa.
Það var eins og Siglufjörður hafi verið yfirgefinn og spurt að því hvort eitthvað hafi gleymst
Jólalegt þrátt fyrir allt
Hvanneyrabrautin
Það var engin starfsemi á Siglufirði í rafmagnsleysinu
Það hefur ekki fest mikinn snjó í fjöllin
Kuldalegt um að lítast
Þormóðsbrekka vel mokuð
Ekki hræðu að sjá
Engir gestir í dag
Það var ekki mikil ofankoma og lítill snjór á Siglufirði
Gústi guðsmaður stendur af sér allt veður
Kirkjuklukkan frosin
Það var smá líf við höfnina þar sem sjómenn voru að huga að bátum sinum
Hlýtt og bjart á sjúkrahúsinu og góður kaffisopinn
