Skíðafélag Siglufjarðar Skíðaborg fær veglega gjöf í Skarðsdal

Það var sannarlega ástæða til að gleðjast hjá Skíðafélagi Siglufjarðar Skíðaborg þegar félaginu barst vegleg gjöf frá Valgeiri Sigurðssyni, sem áður starfaði sem veitingamaður. Um er að ræða stóran og öflugan djúpsteikingapott sem hefur margfalda afkastagetu miðað við eldri búnað félagsins.

Nýi potturinn lét ekki á sér standa um síðustu helgi þegar fjöldi gesta lagði leið sína í fjallið. Þar var steikt heilmikið magn af frönskum kartöflum og ljóst að viðbótin við eldhúsaðstöðuna munar um minna. Fátt jafnast á við að setjast niður með heita samloku og stökkar franskar í fersku fjallaloftinu eftir góðan dag í brekkunum.

Á meðfylgjandi mynd má sjá systurnar Ellý og Emmu Hrólfsdætur gæða sér á frönskum úr nýja pottinum, sem þegar hefur sannað gildi sitt.

Að lokum má geta þess að Emma Hrólfdís, sem æfir með Skíðafélagi Siglufjarðar Skíðaborg, fagnar 17 ára afmæli sínu í dag, 17. febrúar. Í tilkynningu félagsins er henni óskað hjartanlega til hamingju með daginn.